Eldonprojekto

Diskonigi la belecon de la Esperanta Literaturo

Plena teksto

La libretoj enhavas la plenajn tekstojn, originalajn aŭ tradukitajn, de la koncernaj verkoj.

Legebla

Danke al tre zorga enpaĝigo, ĉiuj libretoj estas tute legeblaj.

Bindado

Malmola kovrilo manfarita kaj tegita per senbrila plasto-lameno, kiu venigas ian veluro-sensaĵon ĉe la tuŝo.

Alloga

La speciala formato, kunigita kun moderna fasono, ĉarmas homojn el ĉiaj aĝoj.

"Nia Juvelaro" ne estas nura repliko - ĉiu libreto enhavas propran belecon kaj ĉarmon.

En nova vesto

La eldonprojekto "Nia Juvelaro" estiĝis el la ideo diskonigi la belecon kaj gravecon de la esperanta literaturo, aparte de tiuj verkoj eldonitaj en la unuaj jardekoj de ekzistado de la lingvo.

La kvanto da esperantaj verkoj jam fariĝintaj publika havaĵo estas mirige granda kaj, kvankam tiuj eldonaĵoj estas libere konsulteblaj en la interreto, malmulton oni scias pri ili. Tial necesas diskonigi tiun trezoron, per nova vesto, precipe al tiuj lernantoj kaj simpatiantoj kiuj envenas la movadon per modernaj vojoj de la interreto.

La kolekto "Nia Juvelaro" do estas strebo ne nur revivigi tiun belaĵon de la esperanta literaturo, sed ankaŭ diskonigi la lingvon mem per ĝia literaturo.

La libretoj estas eldonataj kaj manarte produktitaj en Sanpaŭlo sub la respondeco de la libro-metiisto José Roberto Tenório.

eoEO
pt_BRPT eoEO